Kvinnedagen 2024: Åslaug Stadheim Ese
Åslaug er dagleg leiar og statsautorisert rekneskapsførar hos Accountor Sogn, som tek seg av rekneskap, lønn og rådgiving for bedrifter i Sogn. Kompetansen hennar og engasjement i næringslivet er imponerande, og ho har bidrege til fleire organisasjonar og selskap i regionen. Denne dama hadde 33 års jubileum som dagleg leiar i 2023! Ho er ein engasjert dagleg leiar, som ser verkeleg bryr seg om korleis alle tilsette har det. Ho engasjerer seg og sterkt i alle dei ca 200 små og store kundane våre. Ho klarar aldri å møta på ein kunde utan å sjekka korleis dei har det.
Kva har du studert?
Har bakgrunn innan reiseliv og starta på økonomi etter barn nr 3, samtidig som eg prosjekterte oppstart av eiga bedrift – som då vart baby nr 4.
Kva var det som gjorde at bedrifta ville bli ein del av Accountor?
Fellesskap, nettverk og stordriftsfordeler – Økonor (som det heitte i 2010) appellerte til meg med sin modell og flotte folk!
Er det nokon forskjell på å vera kvinneleg leiar i Accountor?
Neppe, her er alle like viktig maske i nettverket.
Kva har du lært i karrieren din så langt?
Etter meir enn 30 år i bransjen og med eiga bedrift: du kan aldri aldri lena deg tilbake og tenkja at ‘no er jobben gjort’. Då er du garantert å få deg ‘ein på trynet’. Det er stadig både mot- og medgang i vente – det er vel det som gjer jobben så spennande og utfordrande?! Og – eg elskar faget mitt og har i desse år ikkje hatt ein kjedeleg dag. Og ein gong til – ‘stao-no-pao’ nyttar!!
Nokre tips til kvinner som endå ikkje har teke steget inn i leiarbransjen, men som vil dit
Det er berre å ta steget! Ver trygg på at det du har i deg er godt nok, bruk deg sjøl og kjenn på at det virkar. Hugs at det einaste positive med å gjera feil, er å læra noko av det - og gå vidare med hovet høgt!
God 8. mars alle!
